Klámiðnaðurinn boðar verkfall í mars

Klámmyndaframleiðendur í Los Angeles í Bandaríkjunum hafa boðað verkfall í næsta mánuði þegar nýjar reglur um getnaðarvarnir í kvikmyndum taka gildi.

Reglurnar taka gildi 5. mars næstkomandi og verða karlleikarar þá skildaðir til að nota smokka við tökur á klámmyndum. Löggjafar vonast til þess að nýju lögin eigi eftir að stemma stigum við útbreiðslu HIV ásamt því að stuðla að vitundarvakningu um öruggt kynlíf.

En klámmyndaframleiðendur eru ekki ánægðir með reglurnar. Þeir segja að sölutekjur eigi eftir að lækka og hafa hótað málaferlum gegn yfirvöldum í Los Angeles.

Á tíunda áratug síðustu aldar var reynt að fá klámmyndaleikara til að nota getnaðarvarnir. Sú tilraun gekk hins vegar ekki eftir óskum.

„Fólk einfaldlega vill ekki sjá klámmyndir þar sem leikararnir nota smokka," sagði Steven A Hirsh hjá framleiðslufyrirtækinu Vivid Entertainment í Los Angeles.