Baksviðs með súpermódeli

Ofurfyrirsætan Tyra Banks hefur enn nóg að gera í fyrirsætubransanum þó hún sé orðin 38 ára gömul. Hún deildi myndum úr töku fyrir tímaritið West East á Twitter og er heldur betur vígaleg.

Á myndunum klæðist hún reffilegum fötum og fylgihlutum sem minna um margt á kattarkonuna ógurlegu úr Batman-myndunum.

"Ég sé um dramað fyrir tímaritið West East. Sjáiði það?" skrifaði Tyra á Twitter með myndunum.

Tyra fetaði í fótspor Rihönnu og Lafði Gaga og skartaði feyknastórum nöglum sem hún átti ekki í neinum erfiðleikum með að athafna sig með.

Þú gætir unnið - vertu með okkur á Facebook.