Verður hann látinn fjúka?

Two and a Half Men stjarnan Angus T. Jones gæti þurft að leita sér að öðru starfi eftir að myndband með honum lak á netið þar sem hann hvetur fólk til að hætta að horfa á þættina vinsælu.

Jones hefur farið með hlutverk í þáttunum í heil níu ár eða frá því hann var 10 ára gamall, hlotið mikla frægð og mikinn auð fyrir.

Virðist það litlu skipta núna því ástæða myndbandsins mun vera sú að nýlega fann Jones trúnna og stangast þættirnir á við nýju trúarbrögðin.

Það verður því spennandi að sjá hvort þetta uppátæki kosti hann starfið rétt eins og Charlie Sheen þegar hann missteig sig ítrekað á sínum tíma.