Umkringd fáklæddum karlmönnum

Leikkonan Rebel Wilson hefur komið eins og stormsveipur inn í bransann síðustu mánuði. Hún er í viðtali við tímaritið Details og situr fyrir á ansi skemmtilegri mynd þar sem hún er umkringd hálfnöktum karlmönnum.

Rebel var stjarna í heimalandi sínu Ástralíu áður en hún sló í gegn í Bandaríkjunum.

"Ameríka er stærri markaður og þar er meiri samkeppni. Ég var með sjálfstraust eftir að hafa skrifað eða leikið í þrettán mismunandi þáttum í Ástralíu. Ég hef alltaf verið með bandaríska kímnigáfu," segir Rebel í viðtali við blaðið.

Rebel býr í Kaliforníu ásamt grínistanum Matt Lucas en þau léku einmitt saman í epísku grínmyndinni Bridesmaids.

Þú gætir unnið - vertu með okkur á Facebook.