Edda Björgvins ekki heimilislaus

Eigum við að hafa áhyggjur af þér Edda, ertu heimilislaus? "Hjááálp það eru allir að misskilja mig. Ég er bara að leita að íbúð. Ég á í milljón hús að venda," svarar Edda Björgvinsdóttir leikkona létt eins og ávallt en í viðtali í Fréttatímanum í dag segir Edda frá því að húsnæðisleit hennar hafi alls engan árangur borið og að hún búi í dag hjá vinkonu sinni. "Fyrirsagnir valda svo oft hryllilegum misskilningi. Ástarkveðjur til allra sem ég á að," segir Edda þakklát fyrir leiðréttinguna en síminn hefur ekki stoppað hjá leikkonunni vegna þessa gríns um búflutningana eins og Eddu einni er lagið.