Byrjaður aftur í dópi og vændiskonum

Sprelligosinn Charlie Sheen er víst kominn í sama gamla farið. Hann er byrjaður að nota krakk og kókaín daglega að sögn samstarfsfélaga leikarans.

Charlie ku líka drekka mikið áfengi á hverjum degi og nýtir sér þjónustu vændiskvenna.

"Síðustu átta mánuði hefur Charlie fengið sendingu af kókaíni á hverjum einasta degi og eyðir næstum því 250 þúsund krónum í fíkniefni á dag," segir samstarfsfélaginn sem vill ekki láta nafn síns getið. Eftir að Charlie er búinn að fá sér skammtinn sinn horfir hann á klám eða leigir sér vændiskonu. Segir sagan að hann eyði allt að 25 þúsund dollurum, rúmum þremur milljónum króna, í eina kvöldstund með portkonu.

Charlie fór í meðferð í janúar í fyrra. Vonandi nær hann áttum.