Gerir armbeygjur á miðri götu

Leikarinn Alec Baldwin og eiginkona hans Hilaria Thomas fengu sér göngutúr í sólinni í Los Angeles um helgina.

Alec ákvað að deila heilsuræktarleyndarmálum sínum með vegfarendum, skellti sér á götuna og gerði fjölmargar armbeygjur.

Alec sagði frá því í janúar í fyrra að hann hefði misst tæplega fjórtán kíló á fjórum mánuðum með hjálp eiginkonu sinnar sem er jógakennari.

"Ég hætti að borða sykur. Ég fer í pilates og spinning en ég næ ekki að fara eins oft í jóga og ég myndi vilja," sagði Alec þá.