Cameron Diaz heit fyrir Robert Pattinson

Fertuga ofurbomban Cameron Diaz var heldur betur í stuði í LACMA-galaveislunni í lok október. Hún daðraði mikið við leikarann Robert Pattinson sem sættist við kærustu sína Kristen Stewart í september eftir framhjáhaldsskandal.

"Þetta var mjög augljóst. Cam sat við hliðina á Rob í borðhaldinu. Hún snerti handlegg hans og hló mikið alltaf þegar hann sagði eitthvað. Hún reyndi mjög mikið. Hann var kurteis en vildi hana ekki," segir aðili sem var viðstaddur galaveisluna.

Robert og Kristen virðast vera mjög hamingjusöm þessa dagana en það er svo sem ekki hægt að ásaka Cameron fyrir að reyna – Rob er algjört augnakonfekt.