Heidi er hamingjusöm

Ofurfyrirsætan Heidi Klum var gestur Ellen DeGeneres í spjallþætti hennar og talaði meðal annars um samband sitt við fyrrverandi lífvörð sinn Martin Kirsten.

Hún sagðist loksins hafa gefið undan og horft á kvikmyndina The Bodyguard frá árinu 1993 enda er ástarsamband hennar líkt þeirri sögu.

"Ég er búin að horfa á myndina. Ég varð. Það verður hrekkjavökubúningurinn minn á næsta ári," sagði Heidi við Ellen og bætti við að hún væri mjög hamingjusöm með Martin.

Heidi á fjögur börn, þar af þrjú með tónlistarmanninum Seal sem hún skildi við í janúar eftir sjö ára hjónaband.

"Þau eru hamingjusöm," sagði Heidi um börnin.