Handtekinn fyrir að hringja í Neyðarlínuna

Um miðnætti hafði tæplega fertugur maður hringt 50 sinnum í neyðarlínu 112. Maðurinn var ölvaður og höfðu neyðarverðir ítrekað beðið manninn um að láta af þessum hringingum sem voru allar tilefnislausar samkvæmt upplýsingum lögreglunnar.

Þegar það bar ekki árangur fóru lögregla að heimili hans í Kópavogi til að freista þess að fá hann af þessum hringingum. Lögreglumennirnir sáu ekki annan kost en að handtaka hann til að hann hætti þessum hringingum sem gerðu það að verkum að einn neyðarvörður var nær alveg upptekin í að svara þessum hringingum. Ákveðið var að vista manninn í fangageymslu til að tryggja öryggi 112.