Toppmódel giftir sig

Hin skrautlega fyrirsæta Lisa D'Amato gekk í það heilaga um helgina með athafnamanninum Adam Friedman.

Parið lét pússa sig saman í Hollywood Castle í Hollywood-hæðum á sunnudaginn. Lisa klæddist klassískum kjól frá San Patrick og faðir hennar leiddi hana upp að altarinu.

Lisa keppti fyrst í fimmtu þáttaröð af raunveruleikaþættinum America's Next Top Model en fór ekki með sigur af hólmi. Hún sneri aftur í sérstaka þáttaröð þar sem öðrum fyrrum keppendum var boðið að reyna aftur og þá bar hún sigur úr býtum.