Nýgift Cat

Tveir mánuðir eru síðan Deeley fékk bónorð og var því um stutta trúlofun að ræða. Athöfnin fór fram í höfuðborg Ítalíu, Róm.

Deeley, sem einna helst fræg fyrir að stjórna þættinum So You Think You Can Dance, og Kielty urðu par fyrir tæpu ári síðan.

"Cat og Patrick hafa þekkst í mörg ár þó að stutt sé síðan þau urðu kærustupar. Þau eru í skýjunum með ráðahaginn," segir heimildarmaður Daily Mail.

Deeley var ekki eina stjarnan sem gekk upp að altarinu um helgina en leikkonan Anne Hathaway giftist unnusta sínum Adam Schulman í Kaliforníu um helgina.