Hef alltaf reynt að vanda mig

Sigrún Ósk Kristjánsdóttir sem valin var besta fjölmiðlakona landsins á dögunum af álitsgjöfum DV prýðir forsíðu Lífsins á morgun, föstudag. "Ég verð að viðurkenna að mér þótti mjög vænt um það. Ekki að svona lagað breyti neinu til eða frá, en það er góð tilhugsun að maður þyki ekki ómögulegur. "

Aðspurð hverju hún vilji þakka viðurkenninguna segir hún: "Hundaheppni með hóp álitsgjafa held ég bara, haha. Nei, ég veit það ekki. Ég hef alltaf reynt að vanda mig við það sem ég geri og það gleður mig ef fólk tekur eftir því."

Sigrún segir einnig frá skemmtilegum fjölmiðlaferli sínum sem hófst þegar hún var aðeins nítján ára gömul, gerð Neyðarlínuþáttanna sem hefjast í næstu viku á Stöð 2 og fleiru.

Lukkuleikur Lífsins