Lifir á pasta og kampavíni

Poppstjarnan Christina Aguilera er óhrædd við að tala opinskátt um holdafar sitt sem fólk virðist elska að velta sér upp úr. Hún hefur bætt aðeins á sig síðustu misseri en heldur því fram að hún lifi heilsusamlegu lífi. Mataræðið segir annað.

Að sögn vinar Christinu, sem vill ekki láta nafn síns getið, drekkur þessi ljóshærða þokkadís ívið of mikið.

"Christina elskar að drekka og veit ekki hvenær hún á að stoppa. Það er augljóst að hún er búin að bæta á sig – hún lifir á kampavíni og pasta. Hún trúir því samt að lífstíll hennar sé heilsusamlegur og að hún þurfi ekki að fara í ræktina," segir vinurinn.

Flott hjá Christinu að vera stolt af líkama sínum og hún lítur stórkostlega út en hún ætti kannski að huga að betra mataræði.