Lundaveiðibann er afglöp segir Vigurbóndi

Bóndinn í eynni Vigur segir að friðun lunda séu afglöp enda hafi fuglinum fjölgað í Ísafjarðardjúpi, og segir að umhverfisráðuneytið hljóti að greiða bætur, verði menn sviptir hlunnindunum.

Vigur er ein síðasta bændaeyjan sem enn er byggð hérlendis og þar hefur lundaveiði jafnan átt ríkan þátt í lífsafkomunni. Stjórnvöld boða nú fimm ára veiðibann á lunda.

Afglöp, segir Salvar Baldursson, bóndi í Vigur, í viðtali í fréttum Stöðvar 2. Hann bendir á að í Vigur hafi meira verið af lunda í fyrra og gríðarlega mikið af ungum komist upp. Hann segir að þótt lunda hafi fækkað við Vestmannaeyjar hafi honum fjölgað við norðanvert landið.

Á myndskeiði sem fylgir þessari frétt má nánar heyra sjónarmið Vigurbóndans.