Vopnað rán framið í verslun 10-11

Vopnað rán var framið í verslun 10-111 í Grímsbæ við Bústaðaveg um sexleitið í morgun. Maður ógnaði starfsfólki með hnífi og hafði á brott með sér einhverja fjármuni.

Starfsfólk verslunarinnar gat lýst manninum og hóf lögreglan leit í kjölfarið.

Stuttu seinna handtók lögreglan mann sem lýsingin passaði við. Var hann á gangi á Rauðárstíg. Maðurinn er grunaður um ránið en hann var undir áhrifum fíkniefna.

Maðurinn var færður í fangageymslu og verður yfirheyrður í dag.