Hafsteinn Þór Hauksson lektor við lagadeild Háskóla Íslands fékk afhent kennsluverðlaun Orators, félags laganema við Háskóla Íslands, á hátíðarmálþingi sem fram fór í dag. Þetta er í fyrsta sinn sem verðlaunin eru veitt. Það var Kristel Finnbogadóttir, varaformaður Orators, sem afhenti verðlaunin.
„Við óskuðum eftir tilnefningum frá nemendum og svo höfðum við sett ákveðin viðmið," segir Kristel í samtali við Vísi en í ræðu sem hún hélt á fundinum sagði hún að Hafsteinn væri einstakliega fær í að koma af stað umræðu um efnið og hvetja til gagnrýninnar hugsunar um kenningar og fræðimenn. „Honum var hrósað fyrir þann hæfileika að vekja áhuga nemenda á efninu, að ná vel til þeirra og koma fram við þá sem jafningja," segir Kristel.
Þá var Hafsteini einnig veitt verðlaun fyrir nýbreytni í kennsluháttum.
Fékk kennsluverðlaun Orators
