Kenna Íslendingum um að makrílviðræður fóru út um þúfur

María Damanaki, sjávarútvegsstjóri Evrópusambandsins og Lisbeth Berg Hansen sjávarútvegsráðherra Noregs kenna Íslendingum og Færeyingum um að viðræður um skiptingu makrílkvótans í Norð-austur Atlantshafi fóru út um þúfur í Reykjavík í gær.

Þetta segja þær í sameiginlegri yfirlýsingu og að Noregur og Evrópusambandið hafi boðið Íslendingum og Færeyingum umtalsverða aukna hlutdeild í kvótanum.

Samkvæmt óstaðfestum heimildum var Íslendingum boðin 7% hlutdeild, en að Íslendingar hafi verið tilbúnir að lækka veiðar sínar úr 17% af heildarkvótanum niður í 15%.

Tveir þingmenn Sjálfstæðisflokksins hafa farið fram á fund í atvinnuveganefnd Alþingis til að fara yfir málið.