Steypubíll rann út af vegi á Akureyri

Ökumaður steypubíls á Akureyri þvertók fyrir að fara í snemmbúið helgarfrí þegar bíll hans rann út af veginum við Glerá í dag. Atvikið átti sér stað um tvöleytið og var beltagrafa notuð til að koma steypubílnum aftur upp á veginn.

Starfsmaður hjá Möl og Sandi á Akureyri sagði að ökumanninum hafi verið heldur brugðið. Hann hélt þó stillingu sinni og lagði hönd á plóg við að færa bílinn.

Mikil hálka var á veginum og svo virðist sem að afturdekk steypubílsins hafi runnið til.