Starfsemi Bitru færist yfir á Sogn

Nú stendur til að breyta húsnæðinu á Sogni í Ölfusi í opið fangelsi. Þetta tilkynnti fyrsti þingmaður Suðurkjördæmis, Björgin G. Sigurðsson á opnum fundi Samfylkingarinnar í Árborg í morgun.

Fréttablað Suðurlands greinir frá þessu í dag á vefsíðu sinni.

Nýja fangelsið verður á vegum Litla Hrauns líkt og opna fangelsið á Bitru í Flórahreppi.

Birtu verður þá lokað starfsemin flutt á Sogn. Ákveðið hefur verið að færa Réttargeðdeildina á Sogni á Landsspítalann frá 1. mars á þessu ári.

Á fundinum sagði Björgin að núverandi vaktmenn og starfsmenn Sogns gætu væntanlega fengið vinnu í nýja fangelsinu á Sogni. Hann sagði að það væri almenn ánægja með hugmyndina og sagði að starfsmenn Litla Hrauns væru afar jákvæðir fyrir breytingunni.

Páll Winkel fangelsismálastjóri sagði að hann hafi sent fjármálaráðherra beiðni í gær um að flytja reksturinn á Bitru yfir á Sogn. „Starfsfólkið á Bitru færist yfir á Sogn," sagði Páll.

„Þetta er hreinn og klár hagræðing í rekstri fangelsisins. Við hvorki fækkum né bætum við starfsfólki. Það er krafa á okkur líkt og á öðrum ríksstofnunum að skera niður og við gerum allt sem við getum til þess."