Nýr ritstjóri Eyjunnar ráðinn

Stjórnmálafræðingurinn Magnús Geir Eyjólfsson hefur verið ráðinn ritstjóri Eyjunnar. Magnús tekur við af Karli Th. Birgissyni en hann lét störfum hjá Eyjunni nýlega.

Á Eyjunni kemur fram að Magnús sé spenntur fyrir verkefninu og segir að fréttasíðan sé einn frjóasti vettvangur íslenskrar þjóðmálaumræðu undanfarin ár.

„Það er von mín að okkur takist í góðu samstarfi við lesendur Eyjunnar að þróa vefinn áfram og gera hann enn betri. Ég er þakklátur fyrir það traust sem mér hefur verið sýnt," segir Magús á Eyjunni.

Magnús hefur meðal annars á Morgunblaðinu og Stöð 2. Hann útskrifaðist frá Fjölbrautaskóla Vesturlands og lauk BA prófi í stjórnmálafræði við Háskóla Íslands árið 2004. Hann hlaut síðan MA gráðu í alþjóðasamskiptum frá Waseda háskóla í Tókýó árið 2006.