Capello neitar að tjá sig | Ummælin á ítalskri vefsíðu lygar

Fabio Capello segir að ummæli sem voru höfð eftir honum í kvöld á italpress séu röng. Hann hafi ekki tjáð sig um ástæður þess að hann hætti með enska landsliðið í kvöld og muni ekki gera það á næstunni.

"Ég er hættur með England og meira mun ég ekki segja," sagði Capello við ANSA á Ítalíu í kvöld og bætti við að ummælin á italpress væru lygar.

Sonur hans, Pierfilippo, tjáði sig einnig um meintu ummælin á italpress.

"Frétt á ítalskri vefsíðu í kvöld er röng og alls ekki sönn. Við munum kæra ef fleiri vefsíður ætla að spila sama leik," sagði sonurinn.

Ekki er búist við því að Capello né enska knattspyrnusambandið muni tjá sig frekar fyrr en á morgun í fyrsta lagi.