Loksins geta íbúar New York gætt sér á íslenskum hrossaþara

Nú geta New York búar gætt sér á sölum og hrossaþara frá ströndum Suðurnesja - þökk sé fyrirtækinu Hafnotum í Grindavík, sem selur þetta sælgæti hafsins undir vörumerkinu Seaweed Iceland.

Samkvæmt frétt frá iðnaðarráðuneytinu leggur Grettir hjá Hafnotum mikla áherslu á að bjóða vöru í allra hæsta gæðaflokki, og fá fyrir vikið hærra verð en samkeppnisþari ættaður frá Asíu.

Þari og annar sjávargróður er mikið notaður í margs konar asískri matargerð og það eru miklir möguleikar í sölu víða um heim. Á heimasíðunni Seaweed.is má meðal annars finna uppskriftir og fróðleik.

Hafnot er eitt af þeim 16 fyrirtækjum sem fengu styrk úr vaxtarsamningi Suðurnesja í desember.