Skora á Ólaf Ragnar að bjóða sig fram aftur

Vefsíða þar sem skorað er á Ólaf Ragnar Grímsson að bjóða sig fram aftur til embættis forseta Íslands var opnuð formlega í dag. Forsvarsmenn síðunnar gera sér vonir um að safna hátt í fimmtíu þúsund undirskriftum.

Fimmtán manna hópur stendur á bak við vefsíðuna en hópinn skipa meðal annars Guðni Ágústsson, fyrrverandi ráðherra og Eiríkur Stefánsson pistlahöfundur.

„Hann hefur sýnt okkur það í þrígang að hefur hann virt leikreglur stjórnarskrárinnar og vísað málum í þjóðaratkvæði og á viðkvæmum tímum í Icesave málinu þá vísaði hann til þjóðaratkvæði þrátt fyrir að margir af hans gömlu félögum í stjórnmálum yfirgæfu hann og færu gegn honum."

Á vefsíðunni eru einnig birtar áskoranir frá Ragnari Arnalds, fyrrverandi ráðherra, og Ásgerði Jónu Flosadóttur, framkvæmdastjóra Fjölskylduhjálpar Íslands.