Höfum bolmang til að takast á við stórslys við strendur Íslands

Rögnvaldur Ólafsson hjá Almannavarnardeild Ríkislögreglustjóra segir að Ísland vel undirbúið til að takast á við stórslys líkt og átti sér stað undan vesturströnd Ítalíu þegar skemmtiferðaskipið Costa Concordia strandaði.

Rögnvaldur var gestur Reykjavík Síðdegis í dag.

Rögnvaldur bendir á við Ísland geti leitað út fyrir landsteinana ef stórslys á sér stað. Í því samhengi bendir hann á NATO, Sameinuðu Þjóðirnar og Evrópusambandið. „Við erum með nokkuð víðtækt alþjóðlegt samstarf sem hægt væri að leita til ef slíkt slys á sér stað."

Hann segir að aðgerðaráætlanir séu til sem taki til álíka atviks og þess sem átti sér stað á Ítalíu. „Þetta er eitthvað sem við höfum verið að spá í og við erum þessa dagana að vinna að nokkrum áætlunum með Landhelgisgæslunni."

Rögnvaldur segir að strand Costa Concordia hafi ekki verið hvatinn að gerð áætlananna. „Gerð viðbragðsáætlana hófst á síðasta ári.