Sveik út 450 þúsund - sagði tvífara sinn vera þjófinn

Kona á sextugsaldri var dæmd í þriggja mánaða skilorðsbundið fangelsi í Héraðsdómi Reykjavíkur í dag fyrir fjársvik. Konan notaði tvo greiðslukort sem hún komst yfir í 23 skipti til að kaupa vörur að andvirði 446 þúsund króna. Brotin áttu sér stað í febrúar og nóvember árið 2009.

Konan neitaði sök við aðalmeðferð málsins en bornar voru undir hana myndir frá upptöku úr verslun 10-11 þar sem hún var að borga með kortinu. Hún neitaði að um sig væri að ræða og sagði að þetta væri verið tvífari hennar. Dómarinn féllst ekki á þau rök konunnar. Þá komst dómari að þeirri niðurstöðu að rithandarsýni konunnar á greiðslukvittunum séu eftir hana.

Á meðal verslana sem hún sveik út vörur í eru, N1, Lyfja, Skeljungur, Húsasmiðjan og 10-11.

Konan þarf að greiða Valitor upphæðina sem hún sveik út ásamt vöxtum.