Vinstri grænir ánægðastir með Skaupið - sjálfstæðismenn ósáttari

Áramótaskaupið virðist hafa fallið flestum landsmönnum vel í geð, ef marka má nýja könnun MMR. Þar var fólk spurt hvað því fannst um Skaupið og sögðu 64,8 prósent þeirra sem afstöðu tóku að þeim hefði fundist það gott. 18 prósent fannst það bæði gott og slæmt og 17,2 prósent voru á því að það hefði verið slakt.

MMR kannaði um leið stjórnmálaskoðanir fólks og þá kemur í ljós að Skaupið var vinsælla hjá þeim styðja ríkisstjórnina en hjá þeim sem styðja minnihluta flokkana. Þannig fannst rétt tæpum helmingi sjálfstæðismanna Skaupið hafa verið gott á meðan 27 prósent þeirra fannst það slakt.

77 prósent þeirra sem styðja VG fannst skaupið hinsvegar gott og aðeins rúm þrjú prósent þeirra fannst það slakt.