Ólafsfjarðarmúli og Siglufjarðarvegur lokaðir vegna snjóflóða

Hættustigi lýst yfir á Súðavíkurhlíð og Eyrarhlíð og eru þessar leiðir því lokaðar. Ólafsfjarðarmúli og Siglufjarðarvegur er lokaðir vegna snjóflóða.

Aðvörun

Búast má við snjóflóðahættu víða á vegum á Vestfjörðum í dag miðað við veðurspá.

Eins er búist við snjóflóðahættu í Ólafsfjarðarmúla og á norðanverðum Tröllaskaga í dag.

Ábendingar frá veðurfræðingi fyrir kvöldið og nóttina Víðast verður mjög slæmt hríðarveður um norðvestan- og vestanvert landið í kvöld og nótt. Versnar mjög ofantil í Borgarfirði, á Bröttubrekku, Holtavörðuheiði og við Húnaflóann á milli kl. 18 og 20. Stórhríð og afleitt skyggni.

Suðvestanlands hvessir snemma í kvöld með áframhaldandi snjókomu annað veifið í alla nótt. Skafrenningur og þá einnig á Höfuðborgarsvæðinu. Meira og minna stórhríð á Vestfjörðum og utantil á Snæfellsnesi, en tekur að lagast undir morgunn.

Við Eyjafjörð og norðaustanlands skánar mikið í kvöld, en versnar aftur með allhvössum NV -vindi og snjókomu snemma í fyrramálið, fyrst við Siglufjörð og Ólafsfjörð. Á sunnanverðu Snæfellsnesi má búast við vindhviðum yfir 30 m/s frá því í kvöld og fram eftir nóttu.

Færð og aðstæður

Það er hálka á Sandskeiði og hálka og snjókoma á Hellisheiði. Í Þrengslum er hálka og skafrenningur. Á Suðurlandi er snjóþekja og hálka og sumstaðar éljagangur.

Hálka er á Reykjanesbraut og öllum leiðum á Reykjanesi. Hálkublettir eru á Vesturlandsvegi. Þæfingsfærð er á Suðurstrandarvegi en þungfært á Krýsuvíkurvegi.

Á Vesturlandi og á Snæfellsnesi fer veður og færð vestnandi. Hálka, snjókoma og skafrenningur er á Holtavöðuheiði.

Þæfingsfærð og stórhríð er kringum Búðadal. Ófært og stórhríð í Svínadal. Þungfært og stórhríð er á Vatnaleið. Hálka og stórhríð er við Hraunsmúla. Ófært og stórhríð er á Fróðárheiði og á Útnesvegi. Ófært er í Álftafirði.

Á Vestfjörðum er þungfært og þæfingsfærð víða. Vegurinn um Súðavíkurhlíð og Eyrarhlíð er lokaður. Ófært er á Gemlufallsheiði, Klettshálsi, Kleifaheiði, Hálfdán og Mikladal. Ófært og stórhríð er í Önundar- og Súgandarfirði, Ísafjarðardjúpi, á Steingrímsfjarðarheiði og Þröskuldum. Þungfært og stórhríð er frá Króksfjarðarnesi og að Klettsháls.

Þæfingsfærð er á Barðaströnd. Þungfært er á Innstrandarvegi.

Á Norðurlandi vestra er hálka, snjóþekja og snjókoma. Þæfingsfærð og snjókoma er á Þverárfjalli. Snjóþekja og skafrenningur er á Vatnsskarði. Siglufjarðarvegur er lokaður.

Á Norðausturlandi er hálka, snjóþekja og skafrenningur. Ófært er í Ólafsfjarðarmúla. Þæfingsfærð og snjókoma er á Hólasandi.

Á Austurlandi er snjóþekja eða hálka. Á Suðausturlandi er snjóþekja eða hálka.