Segir sig úr stýrihópi borgarinnar

Elín Hjálmsdóttir fulltrúi foreldra í stýrihópi Reykjavíkurborgar um breytingu á þremur skólum í Grafarvogi hefur sagt sig úr hópnum. Ástæðan er sú að óskir foreldra og jafnvel fyrirspurnir eru algerlega virtar að vettugi að hennar mati. Málið snýst um breytingu á Foldaskóla í heildstæðan safnskóla á unglingastigi og flutning nemenda í 8.-10.bekk úr Hamraskóla og Húsaskóla.

Hún segir jafnframt að í umfjöllun um málið í bréfi til foreldra hafi sviðsstjóri skóla-og frístundasviðs leyft sér að senda bréf sem sé ekki aðeins „stútfullt af innantómum frösum heldur ber þess merki að viðkomandi hafi ekki á nokkurn hátt kynnt sér hlutina". Þetta sé óásættanlegt og óskiljanlegt.

Sem foreldri og íbúi í Hamrahverfi finnist sér þessi vinnubrögð með öllu óásættanleg og óskiljanleg.