Þrengslin opnuð en Hellisheiðin enn lokuð

Þrengslin hafa nú verið opnuð en Hellisheiði er enn lokuð og mjög slæmt veður er á svæðinu. Að sögn Vegagerðarinnar er ekki gert ráð fyrir að veður taki að lagast fyrr en undir kvöld. Flestar aðrar leiðir á Suðurlandi eru færar en þæfingsfærð er þó á Mosfellsheiði og skafrenningur og sumsstaðar er þungfært á fáfarnari sveitavegum.

Áætluð brottför Vestmannaeyjunnar Herjólfs frá Eyjum er klukkan fjögur. Seinkun varð á komu skipsins vegna veðurs og sjólags. Samkvæmt áætlun fer Herjólfur síðan aftur frá Þorlákshöfn klukkan 19:15 í kvöld.