Krúttlegir krakkar úr Hofsstaðaskóla ræddu um réttindi sín

Barnaheill - Save the Children á íslandi fékk krúttlega krakka úr Hofsstaðaskóla í Garðabæ til að tala um réttindi sín samkvæmt 2. grein barnasáttmála Sameinuðu þjóðanna og var afraksturinn sýndur í Íslandi í dag í gær.

Samtökin vekja athygli á réttindum barna samkvæmt sáttmálanum en í ár eru 20 ár síðan hann var staðfestur á Íslandi.

Önnur grein sáttmálans er á þessa leið:

JAFNRÆÐI - BANN VIÐ MISMUNUN

„Öll börn skulu njóta réttinda Barnasáttmálans án tillits til kynþáttar, litarháttar, kynferðis, tungu, trúar, stjórnmálaskoðana, ætternis, fötlunar, félagslegrar stöðu eða annarra aðstæðna þeirra eða stöðu eða athafna foreldra þeirra."

Það voru börn úr 1. og 2. bekk Hofsstaðaskóla sem tóku þátt í verkefninu og þau heita: Stefán Haukur, Margrét Anna, Bergdís, Eva, Kári, Hrafndís Freyja, Karitas, Ásdís, Anna Lovísa, Sonja Lind, Ásgeir og Þorvaldur.

Til að styrkja starf samtakanna í þágu barna á Íslandi og erlendis er hægt að gerast heillavinur á vef Barnaheilla - Save the Children á Íslandi.

Einnig er hægt að leggja samtökunum lið með því að leggja inn á reikning:

0327 - 26 - 001989

Kt. 5210891059

Söfnunarsímar eru 904 1900 og 904 2900