Missti tólf kíló á 60 dögum

Danshöfundurinn Brian Friedman ákvað að taka sig í gegn og koma sér í form. Hann borðaði eftir sérstöku matarplani í sextíu daga og árangurinn lætur ekki á sér standa.

Brian birti fyrir og eftir myndir af sér á Twitter þegar sextíu dögum var lokið og upplýsti að hann hefði misst tæplega tólf kíló með hjálp mataræðisins. Brian hefur líka verið duglegur að segja aðdáendum sínum á Twitter hvernig hefur gengið síðustu tvo mánuði.

Brian er mjög upptekinn maður enda er hann listrænn stjórnandi bæði breska og ameríska X Factor. Þá hefur hann líka samið dansa fyrir stjörnur á borð við Britney Spears, Beyonce og Mariuh Carey.