Mamma komin aftur á stjá

Leikkonan Megan Fox spókaði sig um í Beverly Hills með sínum heittelskaða, Brian Austin Green, í vikunni og sótti einkasýningu á nýjustu mynd sinni This Is 40.

Aðeins 53 dagar eru síðan parið bauð soninn Noah velkominn í heiminn og ljómaði Megan í gallabuxum, svörtum bol, bláum jakka og hælum.

Megan sagði frá komu sonarins á Facebook þann 17. október, nokkrum vikum eftir en hún fæddi frumburðinn. Turtildúfurnar náðu að halda komu hans leyndri þar sem leikkonan Reese Witherspoon eignaðist son á svipuðum tíma. Heppilegt!