Hefur ekki játað morð

Maður, sem er í haldi lögreglu grunaður um að hafa orðið barnsmóður sinni að bana fyrir helgi, hefur ekki játað sök, eins og greint var frá í fjölmiðlum stuttu eftir að atvikið kom upp.

Fram kom í tilkynningu frá lögreglu að hann hefði játað en svo er ekki. Hann játar að hafa átt í átökum við konuna í Heiðmörk en ber svo fyrir sig minnisleysi. Hann hefur þó játað að hafa líklega orðið valdur að andláti konunnar sem var tvítug þegar hún var myrt.

Maðurinn ók upp að Landspítalanum og tilkynnti starfsfólki spítalans að barnsmóðir hans væri dáin í farangursrými bílsins.