Met í komu ferðamanna til landsins

Nýliðinn janúarmánuður var metmánuður í komu ferðamanna til landsins og gefur það óneitanlega góð fyrirheit um gjöfult ferðamannaár. Um 22 þúsund erlendir gestir fóru frá landinu í nýliðnum janúarmánuði og er um að ræða 3.500 fleiri brottfarir en á árinu 2010. Erlendum gestum fjölgaði því um 18,5% í janúarmánuði á milli ára.

Þetta kemur fram í tilkynningu frá iðnaðarráðuneytinu.

Mikilvægi ferðaþjónustunnar fyrir efnahagslífið er gríðarmikið og fer sífellt vaxandi. Í því sambandi er athyglisvert að skoða tölur um fjölda ferðamanna síðustu 60 ár. Árið 1950 voru þeir tæplega 4.400 og síðan þá hefur fjöldi þeirra hefur tvö- til þrefaldast á hverjum áratug að undanskildum þeim áttunda.

Fjöldi ferðamanna 1950-2010 :

2010 komu 494.769 manns

2000 komu 302.900 manns

1990 komu 141.718 manns

1980 komu 65.921 manns

1970 komu 52.908 manns

1960 komu 12.086 manns

1950 komu 4.383 manns

Jafnframt er athyglisvert að skoða þær atvinnugreinar sem skapa mestar gjaldeyri stekjur. Þar er ferðaþjónustan ein af hinum þremur stóru ásamt sjávaraútveginum og áliðnaðinum.

Iðnaðarráðuneytið er með átak í gangi sem kallast: Með hækkandi sól - ein góð frétt á dag frá Iðnaðarráðuneytinu.