Lögreglumaður kærður fyrir kynferðisbrot gegn tíu ára stúlku

Lögreglumaður hefur verið kærður fyrir að beita tíu ára stúlku kynferðislegu ofbeldi. Lögreglumaðurinn er enn við störf.

Í DV í dag kemur fram að kærð brot áttu sér stað árið 2007 en stúlkan er í dag fjórtán ára gömul. Móðir hennar fékk símtal frá skóla dóttur sinnar í síðasta mánuði og hún beðin um að koma til viðtals, þar sem henni var greint frá því að grunru léki á að dóttir hennar hefði verið beitt kynferðislegu ofbeldi.

Brotin munu hafa átt sér stað þegar stúlkan var í sumarbústaðarferð ásamt vinkonu sinni og foreldrum hennar. Móðir stúlkunnar segir í samtali við DV að hún hafi sýnt foreldrunum fyllsta traust því faðirinnnn væri lögreglumaður.

Fréttastofa fékk í morgun staðfest hjá embætti ríkissakskóknara að þangað hafi verið vísað máli lögreglumann sem kærður var fyrir kynferðisofbeldi. Ríkissaksóknari fól þá rannsókn málsins öðru lögregluembætti en maðurinn starfar hjá.

Það er höndum ermbættis ríkislögreglustjóra að taka ákvörðun um hvort lögreglumenn halda áfram störfum á meðan þeir eru til rannsóknar vegna refsibrota. Enn hefur ríkislögreglustóra ekki borist formlegt erindi um að umræddur lögreglumaður hafi verið kærður.

Samkvæmt upplýsingum ríkislögreglustjóra er reiknað með að það erindi verði sent síðar í dag. Í framhaldi af því verður tekin ákvörðun um hvort lögreglumaðurinn verður settur í leyfi. Hann starfar hjá embætti lögreglunnar á höfuðborgarsvæðinu.