Aðgerðir bera árangur

Nýjar reglur um útgáfu lyfjaskírteina, til að hindra að einstaklingar gætu fengið ávísun á lyf frá mörgum læknum, hafa borið merkjanlegan árangur til að draga úr misnotkun metýlfenidat-lyfja eins og Ritalins og Concerta.

Eftir stöðuga aukningu á notkun metýlfenidat-lyfja frá árinu 2006 hefur tekist að snúa þróuninni við. Aðgerðirnar byggðu á vinnu viðbragðshóps sem Guðbjartur Hannesson heilbrigðisráðherra setti á fót.

Mest hefur dregið úr ávísunum þessara lyfja til fólks 20 ára og eldra, en einnig til yngra fólks, sérstaklega hjá börnum á aldrinum 10-14 ára. - shá