Borgarahreyfingin ræðir við Hreyfinguna

Ný stjórn Borgarahreyfingarinnar hefur samþykkt að ganga til viðræðna við þingflokk Hreyfingarinnar um samstarf. Þetta kemur fram í bloggfærslu Friðriks Þórs Guðmundssonar, stjórnarmanns í Borgarahreyfingunni.

Friðrik segir tíma til kominn að láta fyrri deilur víkja fyrir keimlíkum og mikilvægum málefnum. „Það hlýtur að teljast tilraun til „sögulegra sátta“ þessara fyrrum samstæðu pólitísku arma Búsáhaldabyltingarinnar,“ skrifar Friðrik. Borgarahreyfingin náði fjórum mönnum á þing árið 2009, sem síðan hafa allir sagt skilið við hana. Þrír þeirra mynda nú þingflokk Hreyfingarinnar. - sh