Gaga tískugoð ársins

Mörgum kom að óvörum að Lady Gaga skyldi vera valin tískugoð ársins þegar Fatahönnunarráð Bandaríkjanna sendi út tilnefningar til fatahönnunarverðlaunanna þar í landi á miðvikudagskvöld.

Verðlaunin eru eins og Óskarsverðlaunin í heimi fatahönnunar og tískugoð ársins sú persóna sem hefur haft hvað mest áhrif á tískuheiminn það árið. Lady Gaga, sem klæddi sig svo eftirminnilega í kjöt á MTV-verðlaununum á síðasta ári, er nú komin í hóp Kate Moss, Söruh Jessicu Parker og fleiri tískugoða. Verðlaunin verða afhent í júní. - eeh