Eigandinn fundinn

Í dag sótti Anna Helen, 9 mánaða hundinn sinn, Starsky, sem er af tegundinni Siberian Husky, en hann strauk af heimili sínu í Skerjafirði eldsnemma í morgun. Viðbrögðin létu ekki á sér standa eftir að myndskeiðið af týndum Starsky birtist á Visi. Fólk sem þekkti til eiganda Starsky hafði samband við fréttastofu Stöðvar 2 og Visis.

Anna Helen sótti Starsky til fólksins sem fann hann á ráfi um Hlíðarhverfi Reykjavíkur en það hafði látið lögreglu vita og hlúði einstaklega vel að hundinum þar til Anna Helen kom.

Anna Helen vinnur nálægt Hlíðunum sem gæti verið ástæðan fyrir því að Starsky ráfaði þar um einn og yfirgefinn.

Í meðfylgjandi myndskeiði má sjá fagnaðarfundinn.