Travolta sem Gotti

John Travolta hefur samþykkt að leika hinn alræmda glæpaforingja John Gotti í nýrri kvikmynd um ævi hans. Travolta hefur verið orðaður við hlutverkið í dálítinn tíma og stutt er síðan fregnir bárust af fundi hans og Johns Gotti yngri. Hann hefur lagt blessun sína yfir aðild Travolta að myndinni, rétt eins og systir hans Victoria. Myndin heitir Gotti: Three Generations og leikstjóri verður Nick Cassavetes. Travolta lék síðast í hasarmyndinni From Paris With Love þar sem Jonathan Rhys Meyer lék á móti honum.