Minnast Morrison

Robby Krieger og Ray Manzarek, fyrrverandi liðsmenn hljómsveitarinnar The Doors, halda tónleika í júlí í tilefni þess að þrjátíu ár verða liðin síðan Jim Morrison dó. Tónleikarnir verða haldnir í París þar sem söngvarinn lést í baðkari 3. júlí 1971. Krieger og Manzarek eru á leiðinni í tónleikaferð í sumar þar sem þeir ferðast einnig til Ísraels, Rússlands og Hollands. The Doors hefur selt yfir áttatíu milljónir platna um heim allan. Árið 1991 leikstýrði Oliver Stone myndinni The Doors þar sem Val Kilmer lék Jim Morrison.