Ghostface Killah leitar að lærlingum

Rapparinn Ghostface Killah, sem gerði garðinn frægan með röppurunum í Wu-Tang Clan á árum áður, leitar nú að lærlingum til að hjálpa sér í daglegu amstri. Rapparann vantar sérstaklega hjálp við að koma sér á framfæri með hjálp veraldarvefsins og leitar því að penna, markaðsmanni, ljósmyndara, hönnuði og sérfræðingi í samfélagsmiðlum.

Ghostface Killah er einmitt væntanlegur til landsins um næstu helgi og kemur fram á Reykjavík Fashion Festival á Nasa á laugardaginn. Það er því spurning hvort áhugasamir Íslendingar nái í skottið á rapparanum á meðan hann er á landinu og sæki um starfið.

Áhugasömum er bent á að senda Ghostface Killah póst á netfangið ae.theodoreunit@gmail.com. Aðeins fólk sem tekur hreinlæti alvarlega virðist koma til greina, miðað við Twitter-síðu rapparans, en hann lýsti yfir á dögunum að karlmenn ættu að ekki að þvo á sér hneturnar rétt áður en þeir þvo á sér andlitið, heldur öfugt.

- afb