Aldrei aftur allsber

Breski leikarinn Ewan McGregor lét hafa það eftir sér á dögunum að hann væri hættur að koma nakinn fram á hvíta tjaldinu. McGregor, sem verður fjörutíu ára á þessu ári, segist ekki vilja enda eins og margar karlkyns Hollywood-stjörnur sem sífellt eru naktar í ástarleikjum með ungum konum. Tekur hann leikarann Clint Eastwood sem dæmi.

„Við leikaranir eldumst á meðan leikkonurnar verða alltaf yngri og yngri. Mér finnst ekki smart að vera fáklæddur á hvíta tjaldinu með einhverri sem lítur út fyrir að vera 50 árum yngri en ég,“ segir McGregor en hann hefur verið án spjara í myndum á borð við Trainspotting, The Pillow Book og Velvet Goldmine.