Orlando vill ögrandi hlutverk

Orlando Bloom finnst skemmtilegast að leika persónur sem ögra honum sem leikara. „Ef handritið er mjög gott, persónan vel skrifuð og fólkið sem kemur nálægt myndinni áhugavert þá tek ég að mér hlutverkið," sagði Bloom.

„Ég er hrifinn af öllu sem ég er hræddur við. Ég er nýbúinn að ljúka við að leika í The Three Musketeers. Það var mjög skemmtilegt. Ég fékk að leika hertogann af Buckingham og það var virkilega gaman."

Bloom og eiginkona hans Miranda Kerr eignuðust sitt fyrsta barn í janúar. Hinn 34 ára leikari nýtur þess mjög að vera orðinn pabbi. „Ég hef baðað hann mikið undanfarið. Það eru virkilega góðar stundir," sagði Bloom um soninn. „Það er æðislegt að vera pabbi, ég elska það."