Stuð á Lebowski-hátíð

Ari Lár Valsson bar sigur úr býtum í búningakeppni sem var haldin í tengslum við hina árlegu Big Lebowski hátíð í Keiluhöllinni á dögunum. Ari Lár mætti sem brjálaður Eagles-leigubílstjóri sem kemur fram í myndinni Big Lebowski. Ari var duglegur við að spila Eagles-lög allt kvöldið úr hátalara sem var tengdur við iPod-spilara sem hann var með í farteskinu, auk þess sem hann vitnaði óspart í leigubílstjórann. Alls mættu 110 manns á hátíðina, mun fleiri en í fyrra þegar 65 mættu. Allar 22 keilubrautirnar voru notaðar og skemmtu gestir sér konunglega.