Gunni vígði bifreiðaskoðun

Bifreiðaskoðunin Tékkland opnaði nýtt útibú í síðustu viku. Útibúið er staðsett í Borgartúni. Af þessu tilefni var hóað í fjölmiðlamanninn Dr. Gunna sem tók sér frí frá ritstörfum til að vígja stöðina. Var bíll hans sá fyrsti sem skoðaður var á stöðinni.

„Tékkland hefur boðið lægsta skoðunarverðið frá því að þeir byrjuðu, svo það var eðlilegast að koma hingað. Ekki er verra að maður getur hangið á netinu eða glápt á sjónvarpið á meðan það er verið að krukka í bílinn,“ sagði Doktorinn sáttur í fréttatilkynningu sem send var út um þennan viðburð.