Kid Rock lætur Steven Tyler heyra það

Tónlistarmaðurinn Kid Rock hefur gagnrýnt Steven Tyler fyrir þátttöku hans í sjónvarpsþáttunum vinsælu American Idol. Kid Rock telur að þetta hafi verið óviturleg ákvörðun hjá rokkgoðinu Tyler.

Í viðtali hjá Piers Morgan segist Kid Rock ekki vera aðdáandi sjónvarpsþáttanna og að söngvararnir séu flestir frekar lélegir. „Mér fannst þetta slæm ákvörðun hjá Tyler. Hann er einn virtasti rokksöngvari í sögu bandarískrar tónlistar. Mér finnst þetta ekki rétti vettvangurinn fyrir hann," sagði rokkarinn.

Þegar Morgan minnti hann á að um 30 milljónir manna horfðu á þáttinn vikulega sagði Kid Rock það ekki skipta neinu. „Síðast þegar ég vissi þá bjuggu um 300 milljónir í Bandaríkjunum og ég vil heldur beina orðum mínum til þeirra 270 milljóna sem ekki horfa á þennan ömurlega þátt."

Hægt er að horfa á þennan hluta viðtalsins á vef CNN.