Bieber er brandarakall

Justin Bieber fór illa með gítarleikara sinn, Dan Kanter, á Twitter á mánudaginn en Bieber stal lykilorði Kanters og þóttist tilkynna aðdáendum sínum að hann væri hættur að spila undir hjá söngvaranum unga.

Bieber skrifaði: „Ég vildi bara láta ykkur aðdáendur mína vita af því að ég hef hér með hætt að starfa með Justin og mun eyða Twitter-aðgangi mínum bráðlega.“ Klukkutíma síðar svaraði Bieber á sinni eigin síðu: „Þín verður saknað, Dan, en það sem þú gerðir var skelfilegt. Þér verður aldrei fyrirgefið.“

Í kjölfarið spruttu upp þær kjaftasögur að slitnað hefði upp úr vinskap þeirra á tónleikaferðalagi Biebers um Bretlands. Allt reyndist þetta hins vegar vera hrekkur af hálfu Biebers og hyggur gítarleikarinn á hefndir.