Gwyneth Paltrow með kántríplötu

Leikkonan Gwyneth Paltrow á í viðræðum við útgefandann Atlantic Records um að gefa út kántríplötu.

Paltrow söng lagið Coming Home úr myndinni Country Strong á Óskarsathöfninni fyrir skömmu, auk þess sem hún kom fram á Grammy-hátíðinni ásamt Cee Lo Green.

Ef Paltrow semur við Atlantic Records bætist hún í hóp stjarna á borð við Kid Rock og James Blunt sem eru á mála hjá fyrirtækinu. Leikkonan, sem er gift Chris Martin söngvara Coldplay, hefur lýst yfir áhuga á að vinna með rapparanum Jay-Z sem er góður vinur Martins.

Hér fyrir ofan má sjá Gwyneth fara á kostum í þættinum Glee, en þátturinn verður sýndur á Stöð 2 næsta mánudagskvöld.